சுனாமி போன்ற பேரிடர்களின் போது ஏழை எளிய மக்களும், மகளிர் சுய உதவிக் குழுவினரும், சிறு பிள்ளைகளும் கூட தங்களால் இயன்ற உதவிகளைச் செய்தார்கள் என்பதில் மாற்றுக்கருத்து இல்லை. ஆன்மிகத்தின் பெயரால் மக்களிடம் கோடிக்கணக்கில் வசூலிக்கும் சாமியார்கள் அந்த நேரத்தில் மக்களுக்கு உதவ முன்வரவில்லை என்ற உண்மையையே நாம் சுட்டிக்காட்டினோம். தர்காக்களில் நடக்கும் ஏமாற்று வேலைகளை இஸ்லாம் ஒருபோதும் ஏற்பதில்லை. சமாதி மூச்சு விடுகிறது என்ற வதந்தியை ஆய்வு செய்வதற்காக நாங்களே நேரில் சென்று ஆய்வு செய்து […]

மதப் பிரச்சாரங்களில் இரண்டு வகைகள் உள்ளன. மக்களின் பலவீனங்களைப் பயன்படுத்திக்கொண்டு பொய்யான வாதங்களைக் கூறி ஏமாற்றிச் செய்யக்கூடிய பிரச்சாரம் ஒரு வகை; சரியான கொள்கைகளை எடுத்துக்கூறி மக்களைச் சிந்திக்க வைக்கும் பிரச்சாரம் மற்றொரு வகை. ஏமாற்று வேலைகளை யார் செய்தாலும் அது கண்டிக்கத்தக்கது. இன்றைக்குச் சில மதப் பிரச்சாரங்களில் குருடர்கள் பார்க்கிறார்கள், செவிடர்கள் கேட்கிறார்கள் என்று மேடைகளில் அற்புதங்கள் நிகழ்த்துவதாகக் காட்டுகிறார்கள். உண்மையில் அத்தகைய அற்புதங்கள் அங்கு நடப்பதில்லை. கண் தெரியாதவரைப் போல ஆட்களை நடிக்க வைத்து […]

“இறைவன் இருக்கிறார் என்று சொல்கிறீர்களே, அவர் எங்கே இருக்கிறார்?” என்று கேட்கப்படுகிறது. எந்த மதத்தினரும் இறைவனைக் கண்ணால் பார்த்ததில்லை. இந்துக்கள், கிறிஸ்தவர்கள், முஸ்லிம்கள், சீக்கியர்கள், பௌத்தர்கள் என எந்த மதத்தைச் சேர்ந்தவரும் இறைவனைக் கண்டதில்லை. “கண்டவர் விண்டிலர், விண்டவர் கண்டிலர்” என்றுதான் மனிதர்கள் சொல்லி வந்திருக்கிறார்கள். எனவே, எவரும் இறைவனைக் கண்டதில்லை என்ற காரணத்தினால்தான், அவர் எங்கே இருக்கிறார், இருந்தால் காட்ட வேண்டும் அல்லவா என்ற கேள்வி எழுகிறது. இங்கு நாம் பகுத்தறிவு என்றால் என்ன என்பதைப் […]

எல்லா மதங்களிலும் இறைவனை வழிபடச் சொல்லப்பட்டிருந்தாலும், இஸ்லாத்தில் மட்டும் தினமும் ஐந்து வேளை வழிபட வேண்டும் என்ற கட்டளை ஏன் பிறப்பிக்கப்பட்டுள்ளது என்ற கேள்வி எழுகிறது. இதற்கான திட்டவட்டமான காரணத்தை மார்க்கம் வெளிப்படையாகக் கூறாவிட்டாலும், இதன் பின்னணியில் உள்ள நன்மைகளைச் சிந்தித்துப் பார்த்தால் அதன் நோக்கம் தெளிவாகப் புரியும். மனிதன் இவ்வுலக வாழ்வில் ஈடுபடும்போது அவனது இறையச்சம் எளிதில் குறைந்துவிடுகிறது; அவன் இறைவனையும் அவனது கட்டளைகளையும் மறந்துவிடுகிறான். ஒரு வழிபாட்டுத் தலத்தில் இருக்கும்போது ஏற்படும் பக்தி உணர்வும் […]

பொதுவாக வங்கிகள் அனைத்தும் வட்டியை அடிப்படையாகக் கொண்டே இயங்குகின்றன. ஒரு வங்கி செயல்படுவதற்கு ஊழியர்களின் ஊதியம், கட்டட வாடகை, மின்சாரக் கட்டணம் போன்ற பல்வேறு நிர்வாகச் செலவுகள் ஏற்படுகின்றன. ஒரு குறிப்பிட்ட தொகையைக் கடனாகக் கொடுத்து, அதிலிருந்து வட்டியாகக் கூடுதல் தொகையைப் பெறுவதன் மூலமே வங்கிகள் இந்த நிர்வாகச் செலவுகளைச் சமாளித்து லாபகரமாக இயங்குகின்றன. ஆனால், இஸ்லாமிய முறையில் வட்டி என்பது முற்றிலும் தடை செய்யப்பட்டுள்ளது. ஒரு குறிப்பிட்ட மூலதனத்தைக் கொண்டு வட்டியில்லா வங்கியைத் தொடங்கினால், கடனாகக் […]

கிறிஸ்தவத்தைத் தழுவிய ஒருவர் எழுப்பிய கேள்வி: இஸ்லாத்தில் இயேசுவை இறைவனின் தூதர் என்று கூறுகிறீர்கள். ஆனால் இயேசுவின் பெயரால் இன்றும் பல்வேறு அதிசயங்கள் நிகழ்த்தப்பட்டு வரும்போது அவரை வெறும் தூதர் என்று மட்டும் எவ்வாறு கூற முடியும்? மேலும், எந்த மதத்திலும் இல்லாத ஒரு நல்ல விஷயம் இஸ்லாத்தில் உள்ளது. இஸ்லாத்தைத் தழுவுகிறவர்களை எந்தச் சாதியாக இருந்தாலும் முஸ்லிம் என்று மட்டுமே அடையாளப்படுத்துகிறீர்கள். இந்தியாவில் பிற மதங்களில் சாதி வேறுபாடுகள் இன்னும் முழுமையாக மறையாத நிலையில், இஸ்லாத்தில் […]

ஒருவர் கடவுள் இல்லை என்ற நிலையிலிருந்து ஒரே ஒரு கடவுள்தான் இருக்க முடியும் என்ற முடிவுக்கு வந்த பிறகு, அந்த ஒரு கடவுள் அல்லாஹ்தான் என்பதற்கு என்ன ஆதாரம் என்ற கேள்வி எழுகிறது. உண்மையில் “அல்லாஹ்” என்பது அந்த ஏக இறைவனைக் குறிப்பதற்காக அரபு மொழியில் பயன்படுத்தப்படும் ஒரு பெயரே அன்றி வேறில்லை. அவரைத் தமிழில் “ஒரே இறைவன்” என்று குறிப்பிடுவதிலும் எந்தத் தவறும் இல்லை. சொல்லுக்கு அப்பாற்பட்டு, அந்த ஒரு கடவுளுக்கு இஸ்லாம் கூறும் இலக்கணமும் […]

முஸ்லிம்கள் பிறையை வணங்கித்தான் பெருநாளைக் கொண்டாடுகிறார்கள் என்ற ஒரு தவறான புரிதல் நிலவுகிறது. இஸ்லாமிய நம்பிக்கையின்படி சந்திரனையோ சூரியனையோ வணங்குவதற்கு அனுமதி இல்லை. சூரியனுக்கும் சந்திரனுக்கும் எந்தச் சக்தியும் அறிவும் கிடையாது; அவைகளால் மனிதனுக்கு எந்த நன்மையும் தீமையும் செய்ய முடியாது. மனிதனுக்கு இருக்கும் சிந்தனைத் திறன் கூட அவைகளுக்கு இல்லை. எனவே, மனிதனை விடத் தகுதியில் குறைந்த, அறிவற்ற ஜடப்பொருட்களை வணங்காமல், அனைத்தையும் படைத்த இறைவனை மட்டுமே வணங்க வேண்டும் என்பதே இஸ்லாத்தின் கொள்கையாகும். இறைவனின் […]

ஒரு இந்துவும் முஸ்லிமும் திருமணம் செய்துகொள்ளும்போது, இந்துத் தரப்பில் அதை ஏற்றுக்கொள்வதைப் போல முஸ்லிம் சமூகம் ஏன் ஏற்றுக்கொள்வதில்லை என்ற கேள்வி பொதுவாகக் கேட்கப்படுகிறது. இது மேலோட்டமாகப் பார்த்துவிட்டு முடிவெடுக்க வேண்டிய விஷயம் அல்ல; ஆழமாகச் சிந்தித்துப் பார்க்க வேண்டிய ஒன்றாகும். திருமணம் என்பது சாதாரண நட்பு போன்ற உறவு கிடையாது. நண்பர்கள் வாரத்திற்கு ஒருமுறையோ, மாதத்திற்கு ஒருமுறையோ அல்லது சில ஆண்டுகளுக்கு ஒருமுறையோ சந்தித்துப் பேசிவிட்டுச் சென்றுவிடலாம். ஆனால், இல்லற வாழ்க்கை என்பது இருவர் எப்போதும் […]

பல்வேறு மதங்களையும் கொள்கைகளையும் கொண்ட மக்கள் சகோதரத்துவத்துடனும் நல்லிணக்கத்துடனும் வாழ்ந்து வருகிறோம். இந்த நல்லிணக்கம் தொடர்ந்து நீடிப்பதற்கு அடிப்படையான ஒரு வழிமுறை இருக்கிறது. முஸ்லிம்கள், இந்துக்கள், கிறிஸ்தவர்கள் என ஒவ்வொரு மதத்தவரும் தங்களது கொள்கைதான் சரியானது என்ற நம்பிக்கையைக் கொண்டிருக்கிறார்கள். அவரவர் தங்களுக்குச் சரியெனப் படுவதைத் தங்களது அளவில் வைத்துக்கொள்ள வேண்டும். தங்களுக்குச் சரியெனப் படுவதை அடுத்தவர் மீது திணிக்க முற்படும்போதுதான் மத நல்லிணக்கம் கெட்டுப்போகிறது. முஸ்லிம்கள் பள்ளிவாசலில் சென்று தொழுகும்போது, மற்றவர்களும் பள்ளிவாசலில் தொழ வேண்டும் […]

கிறிஸ்தவ மார்க்கத்திலும் இஸ்லாத்தைப் போன்றே இந்த உலகம் ஒரு நாள் அழிக்கப்படும் என்பதும், அதன் பிறகு இறைவன் தீர்ப்பளிக்கும் மறுமை அல்லது பரலோக ராஜ்ஜியம் ஒன்று உண்டு என்பதும் கூறப்பட்டுள்ளது. எனினும், இயேசுநாதர் மனிதர்களின் பாவங்களைச் சுமந்து சிலுவையில் தன்னுயிரைக் கொடுத்தார் என்று கிறிஸ்தவர்கள் நம்புவதிலும், இஸ்லாம் அதை முற்றாக மறுப்பதிலும் இரு மார்க்கங்களுக்கும் இடையே அடிப்படை வேறுபாடு எழுகிறது. இஸ்லாத்தின் அடிப்படைக் கொள்கையின்படி ஒருவர் செய்த பாவச் சுமையை மற்றவர் சுமக்க முடியாது. ஒரு மனிதன் […]

இஸ்லாத்தைப் பொறுத்தவரை ஆடம்பரங்கள், வீண் விரயங்கள் மற்றும் வரம்பு மீறிய கேளிக்கைகள் நிறைந்த சபைகளில் கலந்துகொண்டு அவற்றுக்கு அங்கீகாரம் அளிக்கக் கூடாது என்ற கட்டளை இருக்கிறது. இது முஸ்லிம், முஸ்லிம் அல்லாதவர் என்ற பாகுபாட்டின் அடிப்படையில் எடுக்கப்படும் முடிவல்ல. ஒரு முஸ்லிமே இதுபோன்ற ஆடம்பரமான திருமணங்களை நடத்தினாலோ, ஆடல் பாடல் கச்சேரிகள் மற்றும் பொருளாதார விரயங்கள் செய்தாலோ மார்க்கத்தைப் பேணக்கூடியவர்கள் அதில் கலந்துகொள்ள மாட்டார்கள். அதில் கலந்துகொண்டால் அந்தத் தவறை ஆதரித்த குற்றத்திற்கு ஆளாக நேரிடும். சொந்தத் […]

இறந்தவர்களின் உடலை எரிப்பது நல்லதா அல்லது அடக்கம் செய்வது நல்லதா என்ற விவாதத்தில், எரிப்பதனால் இடம் மிச்சமாகும் என்ற வாதம் முன்வைக்கப்படுகிறது. ஆனால் அந்த வாதம் முஸ்லிம்களுக்குப் பொருந்தாது. கிறிஸ்தவர்கள் ஒருவரை அடக்கம் செய்தால் அந்த இடத்தில் நிரந்தரமாகக் கல்லறை கட்டிவிடுகிறார்கள். அது பல ஆண்டுகளுக்கு அவருக்குரிய இடமாகவே நீடிப்பதால் அவர்களுக்குப் புதைப்பதற்கு அதிக இடம் தேவைப்படுகிறது. ஆனால் முஸ்லிம்களைப் பொறுத்தவரை கல்லறைகள் கட்டக் கூடாது. ஒரு குறிப்பிட்ட பரப்பளவுள்ள மையவாடியில் வரிசையாக அடக்கம் செய்துகொண்டே சென்று, […]

பொதுவாக இந்தியாவில் இஸ்லாம் பரவியதற்கு ஞானிகளும் சூபிகளும் மகான்களுமே காரணம் என்றும், அவர்களின் வழியாகத்தான் இஸ்லாம் இங்கு வந்தது என்றும் கூறப்படுகிறது. ஆனால் தற்காலச் சூழலை உற்றுநோக்கினால் அது உண்மையில்லை என்பதை விளங்கிக் கொள்ளலாம். இன்று இஸ்லாத்தை ஏற்றுக்கொள்பவர்கள் எந்தவொரு சூபியையோ மகானையோ கண்டு வரவில்லை; மாறாக, இஸ்லாத்தைப் படித்து அதன் உண்மையை உணர்ந்தே அதனுள் இணைகிறார்கள். வரலாற்றில் அரபு முஸ்லிம்கள் வணிக நோக்கத்திற்காகவே இங்கு வந்தார்கள். அவர்களின் நேர்மை, நாணயம், பண்பாடு மற்றும் தூய ஓரிறைக் […]

மதம் என்ற சொல்லுக்கு வெறி என்றொரு பொருளும் உண்டு. யானைக்கு மதம் பிடித்தது என்று சொல்வது போல, வெறி என்ற அர்த்தத்தில் பார்த்தால் இஸ்லாம் மதம் அல்ல. மார்க்கம் என்றால் வழி என்று பொருள். இஸ்லாம் என்பது வெறும் வழிபாட்டுடன் நின்றுவிடாமல், மனித வாழ்க்கையின் அனைத்து அம்சங்களிலும் வழிகாட்டக்கூடிய ஒரு முழுமையான வாழ்க்கை நெறியாக இருப்பதாலேயே அது மார்க்கம் என்று அழைக்கப்படுகிறது. பொதுவாக மதம் என்று சொன்னால் கடவுளை எவ்வாறு வழிபடுவது என்பதை மட்டுமே கற்றுக்கொடுக்கும். ஆனால் […]

கேள்வி : என்னுடைய கிறித்தவ நண்பரிடம் ஈஸா நபி (அலை) அவர்கள் சிலுவையில் அறையப்படவில்லை. அவரை இறைவன் தன் பால் உயர்த்திக் கொண்டான் என்பதைக் குர்ஆன் ஆதாரத்துடன் காண்பித்தேன். மேலும் ஈஸா நபி அவர்கள் டமாஸ்கஸ் (திமிஷ்க்) நகரில் இறங்குவார்கள் என்றும் சொன்னேன். இதற்கு இயேசு இறங்கும் போது கிறித்தவர்கள் அனைவரும் அவர் தான் ஈஸா நபி என்று அடையாளம் தெரிந்து கொள்ள முடியுமா? அவரை ஏற்றுக் கொண்ட கிறித்தவ மதம் அப்போது இருக்காதா? அவர் இறங்குவதை […]

ஈஸ்டர் சண்டே என்பது தவறு! ஈஸ்டர் சண்டே என்பது தவறு! ஈஸ்டர் மண்டே என்பதுதான் சரி! பைபிளின் அடிப்படையில் ஓர் அதிர்ச்சி ரிப்போர்ட்! வரக்கூடிய ஞாயிற்றுக்கிழமையை கிறிஸ்தவ சகோதரர்கள் ஈஸ்டர் சண்டே என்று கூறி ஏசு மரணித்து உயிர்த்தெழுந்த நாள் என்ற அடிப்படையில் கொண்டாடுவர். இது குறித்து பல உண்மைத் தகவல்கள் மறைக்கப்பட்டுள்ளதால், மறைக்கப்பட்ட அந்த உண்மைத் தகவல்களை உலகறியச் செய்ய வேண்டும் என்பதற்காக ஏற்கனவே உணர்வு இதழில் வெளியான இந்த சிறப்புக் கட்டுரை தற்போது மீண்டும் […]

கேள்வி பைபிளுக்குப் பிறகு தான் குர்ஆன் வந்தது. பைபிளில் இருந்து சில வசனங்களை குர்ஆன் காப்பி அடித்துக் கூறியுள்ளது என்று கிறித்தவர்கள் சிலர் கேட்கிறார்கள். இதற்கு நாம் சொல்லும் பதில் என்ன? பதில் இது குறித்து திருக்குர்ஆன் தமிழாக்கத்தில் முன்னுரையில் காலத்தால் முரண்படாதது என்ற உள் தலைப்பில் பின்வருமாறு விளக்கியுள்ளோம். நபிகள் நாயகம் (ஸல்) அவர்கள் இதைக் கூறியிருக்க முடியாது என்று ஒப்புக் கொள்ளும் ஆய்வாளர்கள் யூத, கிறித்தவ சமுதாயமக்களின் வேதங்களிலிருந்து கற்று இவர் கூறுகிறார் எனக் […]

கேள்வி : பைபிள் விதியைப் பற்றி ஏதும் சொல்கின்றதா? தயவு செய்து விளக்கவும். என் கிறித்தவ நண்பன் பைபிள் விதியைப் பற்றி எங்கும் சொல்லவில்லை என்கிறான். பைபிள் மூலமே பதில் கூற வேன்டும். பதில்: எல்லாம் விதிப்படி நடக்கின்ற்ன என்று இஸ்லாம் கூறுகிறது. இதற்கு எதிராக கிறித்தவ போதகர்கள் பல குதர்க்கமான கேள்விகளைக் கேட்கிறார்கள். எல்லாம் விதிப்படி என்றால் சொர்க்கம் நரகம் ஏன்? பாவம் செய்தவன் விதிப்படி தானே பாவம் செய்கிறான்? அவனைத் தண்டிப்பது என்ன நியாயம் […]

மனுஷ்ய புத்திரனுக்கு நாம் விவாத அழைப்பு கொடுத்த போது அதை ஏற்காமல் தவிர்ப்பதற்காக கடவுளின் சட்டம் குறித்து கடவுளிடம் தான் விவாதிப்பேன் என்கிறார். மரண தண்டனை கடவுள் கொடுத்த தண்டனையா என்பது விவாதத் தலைப்பாக இருந்தால் கூட இவர் இப்படி கூறி தப்பிக்க முடியாது. கடவுளின் சொல் என்று மனிதனாகிய நான் தான் அவரிடம் சொல்கிறேன். அது குறித்து என்னிடம் தான் அவர் விவாதிக்க வேண்டும். கடவுளே இவரிடம் நேரடியாகக் கூறும் போது கடவுளிடம் விவாதித்துக் கொள்ளட்டும். […]

இவ்வசனங்களில் (அல்குர்ஆன்: 6:14, 6:151, 10:31, 11:6, 17:31, 22:58, 26:79, 27:64, 29:60, 30:40, 34:24, 35:3, 51:58, 62:11, 65:3, 67:21, 106:4)➚ அனைவரின் உணவுக்கும் அல்லாஹ்வே பொறுப்பாளன் என்று கூறப்பட்டுள்ளது. அனைத்து உயிரினங்களுக்கும் இறைவன் உணவளிக்கிறான் என்றால் பட்டினிச்சாவுகள் ஏற்படுகிறதே? அப்படியானால் உணவுக்கு இறைவன் பொறுப்பேற்கவில்லையா என்று சிலர் விதண்டாவாதம் செய்கிறார்கள். இறைவன் உணவுக்குப் பொறுப்பேற்றுக் கொண்டதால் ஒருவரும் எப்போதும் சாகக் கூடாது என்று இவர்கள் கேட்பார்களா? உணவுக்கு இறைவன் பொறுப்பு என்றால் […]

எல்லா மதங்களும் நல்லதைத் தான் போதிக்கின்றன. எல்லா நதிகளும் கடலில் தான் போய்ச் சேர்கின்றன. ஒரு ஊருக்குப் பல வழிகள் உள்ளன. எந்த வழியில் வேண்டுமானாலும் போகலாம் என்ற வாதம் சிலரால் எடுத்து வைக்கப்படுகின்றன. எல்லா மதங்களும் நல்லதைத் தான் போதிக்கின்றன என்ற வாதம் பலவீனமான வாதமாகும். எல்லா மனிதர்களும் பிறப்பால் சமமானவர்கள். ஒருவரை விட மற்றொருவர் பிறப்பால் உயரவே முடியாது என்று ஒரு மதம் கூறுகிறது. குறிப்பிட்ட குலத்தில் பிறந்தவன் உயர்ந்தவன் என்றும், மற்றொரு குலத்தில் […]

கேள்வி: இயேசுவையும், மர்யமையும் சைத்தான் தீண்டாதவர்கள் என்று குர்ஆன் கூறுகிறது. நபிகள் நாயகம் (ஸல்) அவர்களும் இயேசுவை சைத்தான் தீண்டமாட்டான் என்று கூறி இருக்கிறார்கள். மேலும் நபிகள் நாயகம் அவர்களும் தவறு செய்ததாக குர்ஆனில் பார்க்க முடிகிறது. இயேசுவை குர்ஆனே பரிசுத்த ஆவி என்று கூறுவதால் இயேசுதான் கர்த்தர் கர்த்தரைத் தான் ஷைத்தான் தீண்ட முடியாது என்று கிறித்தவ நண்பர் என்னிடம் வாதிடுகிறார். அவருக்கு தெளிவான பதிலை எப்படி கூறுவது? -சைத் ரஹ்மான் பதில் : கேள்வி […]

நான் இந்து சகோதரரிடம் பிரச்சாரம் செய்யும் போது கடவுள் ஏன் நம்மைப் படைக்க வேண்டும், நம்மைப் படைப்பதால் கடவுளுக்கு என்ன லாபம்? அவரை வணங்க படைத்தாரென்றால் அவருக்கு அந்த வணக்கம் தேவையா? நன்மை செய்தால் சொர்க்கம் என்றும், தீமை செய்தால் நரகம் என்றும் கொடுத்து எதற்கு இந்த வேண்டாத வேலை? நம்மைப் படைத்ததே வேஸ்ட் தானே என்று கேட்கிறார். எனக்கு பதில் சொல்லத் தெரியவில்லை. ஆகவே நீங்கள் பதில் கூறவும். – பாரூக், மைலாப்பூர் அல்லாஹ் எந்த […]

இந்தக் கேள்விக்கு விடை சொல்லாவிட்டால் அதன் மூலம் இறைவன் இல்லை என்று வாதிடுவதற்காக இக்கேள்வியை அவர் கேட்டிருந்தால் அது பொருத்தமற்றதாகும். முதலில் இறைவன் இருக்கிறானா? இல்லையா என்று பகுத்தறிவைப் பயன்படுத்தி சிந்தித்து முடிவுக்கு வர வேண்டும். இறைவன் இருக்கிறான் என்று முடிவுக்கு வந்துவிட்டால் மாபெரும் சூப்பர் பவராக இருப்பவனிடம் அவனது நடவடிக்கை பற்றிக் கேட்க முடியாது. நமக்குச் சமமானவர்களின் நடவடிக்கைளையும், நமக்குக் கீழே உள்ளவர்களின் நடவடிக்கைகளையும் கேள்விக்கு உட்படுத்த முடியும். நம்மைப் படைத்த சர்வ ஆற்றலும் உடையவனைக் […]

சுனாமி போன்ற பேரழிவுகளில் முஸ்லிம்களும் மூழ்கி இறந்துவிட்டார்களே? முஸ்லிம்களுக்கு இத்தகைய கொடூரமான மரணத்தை இறைவன் தருவதேன்? பதில்: மக்களுக்கு அல்லாஹ் இரு வகைகளில் அழிவை ஏற்படுத்துகிறான். ஒன்று நல்லவர் கெட்டவர் என்ற வேறுபாடு இல்லாமல் அழித்தல். மற்றொன்று கெட்டவர்களைத் தனியாகப் பிரித்தெடுத்து அவர்களை மட்டும் அழித்தல். இறைத்தூதர்களை அனுப்பி அந்தத் தூதரை மக்கள் ஏற்காவிட்டால் அப்போது அல்லாஹ் பேரழிவுகளை ஏற்படுத்துவான். அவ்வாறு அழிக்கும் போது இறைத்தூதரையும், அவருடன் இருந்த நல்லோரையும் தனியாகப் பிரித்து கெட்டவர்களை மட்டும் அழிப்பான். […]

கடவுள் என்று ஒருவன் இருந்தால் ஒரு பயனும் இல்லாத குடல்வால் எனும் உறுப்பை ஏன் படைக்க வேண்டும்? இதற்கு முஸ்லிம்கள் யாராவது பதில் சொல்ல முடியுமா என்று சில பகுத்தறிவாளர்கள் கேட்கிறார்களே? இதற்கு என்ன பதில்? இறைவன் செய்யும் எதுவும் தக்க காரணத்துடன் தான் இருக்கும். இதில் மாற்றுக் கருத்து இல்லை. தக்க காரணம் இருக்கும் என்பதால் அந்தக் காரணங்கள் அனைத்தும் மனிதனுக்குத் தெரியும் என்பது அர்த்தமல்ல. இப்போது குடல்வால் பற்றி கேட்கின்றனர். நூறு ஆண்டுகளுக்கு முன்னால் […]

முஸ்லிமல்லாதவர்களின் பிரார்த்தனை ஏற்கப்படுமா? பதில் : பிரார்த்தனைகள் இரு வகைகளில் உள்ளன. சாதாரண நேரத்தில் பல்வேறு தேவைகளுக்காகக் கேட்கும் பிரார்த்தனை முதல் வகை. உயிர் போய்விடும் என்ற நெருக்கடியான நேரத்தில் கேட்கப்படும் பிரார்த்தனை மற்றொரு வகை. முதல் வகையான பிரார்த்தனையைப் பொருத்தவரை அல்லாஹ்வுக்கு இணை கற்பித்தவர்களின் பிரார்த்தனை ஏற்கப்படாது. இணை கற்பிப்பவர்கள் அல்லாஹ்விடம் பிரார்த்தனை செய்தாலும் அவர்களின் உள்ளத்தில் இன்னும் பலர் கடவுள் நிலையில் வைக்கப்பட்டுள்ளனர். எனவே இவர்களின் துஆக்கள் ஏற்கப்படாது. அப்துல்காதிர் ஜீலானியையும் ஷாஹுல் ஹமீதையும் […]

பரிசுத்த ஆவி மூலம் பேச முடியுமா? வி.பாஸ்கர் பதில் : இயேசு சீடர்களுக்குக் காட்சி தந்த போது அவர் கூறியதாக மாற்கு எழுதியதை ஆதாரமாகக் கொண்டு கிறித்தவ போதகர்கள் பிசாசுகளை விரட்டுவதாகவும், நோய்களைப் போக்குவதாகவும் கூறி மக்களை ஏமாற்றி வருகின்றனர். இதற்கு அவர்கள் காட்டும் ஆதாரம் இது தான். விசுவாசிக்கிறவர்களால் நடக்கும் அடையாளங்களாவன: என் நாமத்தினாலே பிசாசுகளைத் துர்த்துவார்கள்;. நவமான பாஷைகளைப் பேசுவார்கள்; மாற்கு 16:17➚ இதை ஆதாரமாக்க் கொண்டு மனித இயல்புக்கு அப்பாற்பட்ட தொனியிலும், தோரணையிலும் […]

கேள்வி: நாத்திகர் ஒருவருடன் நமது சகோதரர்கள் தஃவா செய்த போது, இஸ்லாம் வாளால் பரப்பபட்ட மார்க்கம் என்பதற்கு கீழ்க்கண்ட புகாரியிலுள்ள இரு ஹதீஸ்களையும் அவர் ஆதாரமாகக் காட்டியுள்ளார். இதற்குச் சரியான விளக்கம் என்னவென்று தர இயலுமா? அல்லாஹ் உங்களுக்கு அருள் புரிவானாக! ஜரீர் பின் அப்தில்லாஹ் (ரலி) அவர்கள் கூறியதாவது: நபி (ஸல்) அவர்கள் என்னிடம், “துல் கலஸாவி(ன் கவலையிலிருந்து என்னை நீங்கள் விடுவிக்க மாட்டீர்களா?” என்று கேட்டார்கள். அது “கஸ்அம்’ குலத்தாரின் ஓர் ஆலயமாக இருந்தது. […]

பெற்றோர் முஸ்லிமாக இருப்பதால் குழந்தையும் முஸ்லிமாகவே வளருகிறது. ஆனால் முஸ்லிமல்லாத பெற்றோருக்குப் பிறந்த குழந்தைகள் அந்தப் பெற்றோரின் மார்க்கத்தைத் தானே பின்பற்றும்? அப்படியிருக்கும் போது முஸ்லிமல்லாதவர்களுக்கு இஸ்லாம் தான் சரியான மார்க்கம் என்பது எப்படித் தெரியும்? என்று முஸ்லிமல்லாத நண்பர் கேட்கிறார். இதற்கு எப்படி விளக்கம் தருவது? ஒரு மனிதன் ஒரு குறிப்பிட்ட மார்க்கத்தைப் பின்பற்றுவதற்குப் பெற்றோர் முக்கியக் காரணமாக அமைந்தாலும் மனிதனுக்கு பகுத்தறிவை இறைவன் வழங்கியுள்ளான். எல்லா விஷயங்களிலும் அவன் பெற்றோர் சொன்னதை மட்டுமே மனிதன் […]

சகோதரியின் மகளைத் திருமணம் செய்வதை இஸ்லாம் தடை செய்துள்ளது. சட்டம் தெரியாமல் யாரேனும் இவ்வாறு திருமணம் செய்திருந்தால் சட்டத்தை அறிந்த பிறகு அவ்விருவரும் திருமண பந்தத்தை முறித்துக்கொண்டு பிரிந்துவிட வேண்டும் என்பதே மார்க்கச் சட்டம். வேறு கொள்கையில் இருப்பவர் இவ்வாறு திருமணம் செய்திருந்தால் இந்தச் சட்டத்தை செயல்படுத்தி விட்டுத்தான் இஸ்லாத்தில் இணைய வேண்டும் என்று மார்க்கம் கூறவில்லை. வேறு கொள்கையில் இருக்கும் ஒருவர் இஸ்லாத்தில் இணைய நினைத்தால் அவர் வணக்கத்திற்குரியவன் அல்லாஹ்வைத் தவிர வேறு யாரும் இல்லை. […]

தொழுகையை விட்டவன் காஃபிரா? தொழுகையை விட்டவன் காஃபிர் என்று சில அறிஞர்கள் தீர்ப்பளித்துள்ளனர். அஹ்மத், இப்னு ஹஸ்ம் மற்றும் தற்கால சவூதி அறிஞரான பின்பாஸ் ஆகியோர் தொழுகையை விட்டவன் காஃபிர் என்று தீர்ப்பு அளித்த அறிஞர்களில் குறிப்பிடத்தக்கவர்கள் ஆவார்கள். இவர்கள் இவ்வாறு தீர்ப்பளிப்பதற்கு பின்வரும் செய்தியை ஆதாரமாகக் கொள்கின்றனர். 256 حَدَّثَنَا يَحْيَى بْنُ يَحْيَى التَّمِيمِىُّ وَعُثْمَانُ بْنُ أَبِى شَيْبَةَ كِلاَهُمَا عَنْ جَرِيرٍ قَالَ يَحْيَى أَخْبَرَنَا جَرِيرٌ عَنِ الأَعْمَشِ عَنْ […]

துறவறம் இயற்கைக்கு மாறானது என்றால் நோன்பும் இயற்கைக்கு மாறானது தானே? என்று முஸ்லிமல்லாத நண்பர் கேட்கிறார். இதற்கு எப்படி பதில் சொல்வது? பதில் இஸ்லாம் துறவறத்தை ஆதரிக்கவில்லை. ஏனென்றால் துறவறம் என்பது மனிதர்கள் யாரும் கடைபிடிக்க முடியாத பொய்யான கொள்கையாகும். இதனால் மனித சமுதாயத்துக்கு பாதிப்புகளைத் தவிர நன்மைகள் ஏற்படுவதில்லை. ஒரு மனிதன் தனக்கு வாழ்க்கைத் துணையில்லாமல் ஒழுக்கமாக வாழ முடியாது. ஒருவன் திருமணம் செய்யாமல் வாழ்கிறான் என்றால் ஒன்று அவன் ஆண்மையற்றவனாக இருப்பான். அல்லது தவறான […]