01) பிரார்த்தனையைப் பற்றி திருக்குர்ஆனும் நபிமொழியும்

நூல்கள்: இஸ்லாத்தின் பார்வையில் பிரார்த்தனை

(ஏசு இறைவனை) மறுப்போர் வெறுத்த போதும் நீங்கள் வணக்கத்தை அல்லாஹ்வுக்கே தூய எண்ணத்துடன் உரித்தாக்கி அவனிடமே பிரார்த்தியுங்கள்!

(அல்குர்ஆன்: 40:14) ➚

அவனே (என்றும்) உயிருடன் இருப்பவன். அவனைத் தவிர வணக்கத்திற்குரியவன் வேறு யாருமில்லை. வணக்கத்தைத் தூய எண்ணத்துடன் அவனுக்கே உரித்தாக்கி அவனையே அழையுங்கள்! அகிலத்தின் இறைவனாகிய அல்லாஹ்வுக்கே புகழனைத்தும்.

(அல்குர்ஆன்: 40:65) ➚

என்னைப் பற்றி எனது அடியார்கள் உம்மிடம் கேட்டால் “நான் அருகில் இருக்கிறேன். பிரார்த்திப்பவன் என்னைப் பிரார்த்திக்கும்போது பிரார்த்தனைக்குப் பதிலளிக்கிறேன். எனவே என்னிடமே பிரர்த்தனை செய்யட்டும்! என்னையே நம்பட்டும். இதனால் அவர்கள் நேர்வழி பெறுவார்கள்”(என்பதைக் கூறுவீராக!)

(அல்குர்ஆன்: 2:186) ➚

“என்னை அழையுங்கள்! உங்களுக்குப் பதிலளிக்கிறேன்; எனது வணக்கத்தை விட்டும் பெருமையடிப்போர் நரகத்தில் இழிந்தோராக நுழைவார்கள்” என்று உங்கள் இறைவன் கூறுகிறான். (அல்குர்ஆன்: 40:60) ➚

மனிதனைப் படைத்தோம். அவனது மனம் எதை எண்ணுகிறது என்பதையும் அறிவோம். நாம் அவனுக்குப் பிடரி நரம்பை விட மிகவும் நெருக்கமாக இருக்கிறோம்.

(அல்குர்ஆன்: 50:16) ➚

உங்கள் இறைவனைப் பணிவுடனும், இரகசியமாகவும் பிரார்த்தனை செய்யுங்கள்! வரம்பு மீறியோரை அவன் நேசிக்க மாட்டான்.

பூமியில் சீர்திருத்தம் செய்யப்பட்ட பின் அதில் குழப்பம் விளைவிக்காதீர்கள்! அச்சத்துடனும், நம்பிக்கையுடனும் அவனிடம் பிரார்த்தனை செய்யுங்கள்! அல்லாஹ்வின் அருள் நன்மை செய்வோருக்கு அருகில் உள்ளது.

(அல்குர்ஆன்: 55:56) ➚

பிரார்த்தனையே வணக்கமாகும் என்று நபி (ஸல்) அவர்கள் கூறிவிட்டு “என்னை அழையுங்கள்! உங்களுக்குப் பதிலளிக்கிறேன்: எனது வணக்கத்தை விட்டும் பெருமையடிப்போர் நரகத்தில் இழிந்தோராக நுழைவார்கள்” என்று உங்கள் இறைவன் கூறுகிறான். (அல்குர்ஆன்: 40:60) ➚ என்ற வசனத்தை நபி (ஸல்) அவர்கள் ஓதினார்கள்.

அறிவிப்பவர் : நுஃமான் பின் பஷீர் (ரலி நூல் : (திர்மிதீ: 2895, 3170, 3294),(இப்னு மாஜா: 3816)

அல்லாஹ்விடத்தில் பிரார்த்தனை செய்வதை விட மிக கண்ணியம் வாய்ந்தது எதுவுமில்லை என்று நபி (ஸல்) அவர்கள் கூறினார்கள்.

அறிவிப்பவர்: அபூஹுரைரா (ரலி)

நூல் : (திர்மிதீ: 3292), (இப்னு மாஜா: 3819), (அஹ்மத்: 8393), அல்அதபுல் முஃப்ரத் (712) (ஹாகிம்: 1801), தப்ரானீ அவ்ஸத், பாகம்: 3, பக்கம்: 73, ஷுஅபுல் ஈமான் பைஹகீ பாகம் : 2, பக்கம் : 38, இப்னுஹிப்பான், பாகம் : 3, பக்கம்: 58, முஸ்னத் ஷிஹாப் பாகம்: 2, பக்கம்: 214

அல்லாஹ்விடம் கேட்காதவர் மீது அவன் கோபம் கொள்கிறான் என்று நபி (ஸல்) அவர்கள் கூறினார்கள்.

அறிவிப்பவர் : அபூஹுரைரா (ரலி),

நூல்கள் : (திர்மிதீ: 3295), (இப்னு மாஜா: 3817), (அஹ்மத்: 9342, 7782)

இந்த செய்தியில் இடம்பெறும் இரண்டாவது அறிவிப்பாளர் அபூஸாலிஹ் பலவீனமானவராவார்.