பேருந்தில் தூங்கும்போது தலை ஏன் ஆடுகிறது?

நாம் தூங்கும்போது நம் உடலில் உள்ள பல தசைகள் தளர்வடைகின்றன. குறிப்பாக, கழுத்தைத் தாங்கிப் பிடிக்கும் தசைகளின் செயல்பாடும் குறைகிறது.

படுக்கையில் தூங்கும்போது, படுக்கையும் தலையணையும் தலை, கழுத்து மற்றும் உடலுக்கு ஆதரவாக இருப்பதால் தலை அசையாமல் நிலையாக இருக்கும்.

ஆனால், பேருந்தில் பயணம் செய்யும்போது, பேருந்தின் அசைவு, வேகம் மற்றும் திருப்பங்கள் காரணமாக தலை அசைகிறது.

பேருந்தில் தூங்கும்போது கழுத்துத் தசைகளின் செயல்பாடு குறைவதால், இந்த அசைவுகளைத் தாங்கி தலையை நேராக வைத்திருக்க முடியாது.

மேலும், புவியீர்ப்பு விசையும் தலையைக் கீழ்நோக்கி இழுக்கிறது. இதனால், பேருந்தின் அசைவு, கழுத்துத் தசைகளின் தளர்வு மற்றும் புவியீர்ப்பு விசை ஆகிய காரணங்களால் தூங்கும்போது தலை முன்னோக்கியோ அல்லது பக்கவாட்டிலோ சாய்கிறது.

ஆதாரம்: இந்து தமிழ் திசை