மச்சங்கள் எப்படி உருவாகின்றன?

நம் தோலில் மெலனோசைட்டுகள் (melanocytes) என்ற சிறப்பு செல்கள் உள்ளன. இந்த செல்கள் மெலனின் (melanin) என்ற நிறமியை உருவாக்குகின்றன.

இந்த மெலனின்தான் நம் தோலுக்கும் முடிக்கும் நிறத்தைக் கொடுக்கிறது. மெலனோசைட்டுகள் பொதுவாக தோல் முழுவதும் பரவி இருக்கும்.

சில சமயங்களில், இந்த மெலனோசைட்டுகள் தோல் முழுவதும் பரவாமல் ஒரே இடத்தில் குவிந்துவிடும். அப்போது அந்த இடத்தில் மச்சம் உருவாகிறது.

பெரும்பாலான மச்சங்கள் ஆபத்தற்றவை. ஆனால், ஒரு மச்சம் திடீரென்று பெரிதானாலோ, அரிப்பு ஏற்பட்டாலோ, அல்லது அதன் நிறம் மாறினாலோ மருத்துவரிடம் ஆலோசனை பெற வேண்டும்.

இறைவன் நம் உடலை எவ்வளவு நுட்பமாகப் படைத்துள்ளான் என்பதை இது காட்டுகிறது. இந்த சிறிய விஷயங்களிலும் அவனது படைப்பின் ஒழுங்கையும் ஞானத்தையும் நாம் காணலாம்.

ஆதாரம்: இந்து தமிழ் திசை