எட்டு வாசல்களிலிருந்தும் அழைக்கப்படுவார் யார்? — “ஆம், அபூ பக்ரே” என்ற நபி

“நீங்கள் அவர்களில் ஒருவராக இருக்க வேண்டுமென விரும்புகிறேன், அபூ பக்ரே” என்ற நபி (ஸல்)

அபூ ஹுரைரா(ரலி) அறிவித்தார். இறைத்தூதர்(ஸல்) அவர்கள், ‘இறைவழியில் ஏதேனும் ஒரு ஜோடிப் பொருள்களைச் செலவிட்டவர் சொர்க்கத்தின் வாசல்களில் (ஒவ்வொன்றில்) இருந்து ‘அல்லாஹ்வின் அடியாரே! இது சிறந்ததாகும். (இதன் வழியாகப் பிரவேசியுங்கள்)’ என்று அழைக்கப்படுவார். அதாவது தொழுகையாளியாக இருந்தவர் தொழுகைக்குரிய வாசலிலிருந்து அழைக்கப்படுவார். ஜிஹாத் (அறப்போர்) புரிபவராக இருந்தவர் ஜிஹாதுக்குரிய வாசலிலிருந்து அழைக்கப்படுவார். தர்மம் (ஸதகா) செய்பவராக இருந்தவர் தர்மத்திற்குரிய வாசலிலிருந்து அழைக்கப்படுவார்.

நோன்பாளியாக இருந்தவர் நோன்பின் வாசலிலிருந்தும், ‘அர்ரய்யான்’ என்னும் (நோன்பாளிகளுக்கே உரிய சிறப்பு) வாசலிலிருந்து அழைக்கப்படுவார்’ உரிய சிறப்பு) வாசலிலிருந்தும் அழைக்கப்படுவார்’ என்று கூறினார்கள். உடனே அபூ பக்ர்(ரலி), ‘இந்த வாசல்களிலிருந்து அழைக்கப்படுபவருக்குத் துயரம் எதுவும் இருக்காது. (அவர் எந்த வழியிலாவது சொர்க்கம் சென்றுவிடுவார்.) என்று கூறிவிட்டு, ‘அவை அனைத்திலிருந்தும் எவராவது அழைக்கப்படுவாரா? இறைத்தூதர் அவர்களே!’

என்று கேட்டார்கள். அதற்கு நபி அவர்கள், ‘நீங்கள் அவர்களில் ஒருவராக இருக்கவேண்டுமென்று விரும்புகிறேன், அபூ பக்ரே’ என்று கூறினார்கள்.

அறிவிப்பவர்: அபூ ஹுரைரா (ரலி)

நூல் – (புகாரி: 3666) ➚

தொழுகை, நோன்பு, தர்மம், அறப்போர் என ஒவ்வொரு நற்செயலுக்கும் சொர்க்கத்தில் ஒரு தனி வாசல் உண்டு என்று நபி (ஸல்) அவர்கள் சொன்னதும், அபூபக்ர் (ரலி) கேட்ட கேள்வி எளிமையானது — எல்லா வாசல்களிலிருந்தும் ஒருவரை அழைக்க முடியுமா? அந்தக் கேள்வியில் இருந்தது ஆசை மட்டுமல்ல, தன் வரம்புகளை உணர்ந்த பணிவும்தான். ஒரே நன்மையில் நிறுத்திக் கொள்ளாமல், முடிந்த எல்லா வழிகளிலும் நன்மை செய்ய வேண்டும் என்ற தாகம் அவரிடம் தெரிந்தது.

நாம் பெரும்பாலும் ஒரே ஒரு வழியில் மட்டும் நல்லவர்களாக இருக்க முயற்சிக்கிறோம் — சிலர் தொழுகையில் மட்டும், சிலர் தர்மத்தில் மட்டும். ஆனால் அபூபக்ர் (ரலி) நமக்குக் காட்டும் பாதை வேறு — முடிந்த ஒவ்வொரு நல்வழியிலும் ஒரு காலடி எடுத்து வைப்பது. அப்படிச் செய்பவர்களைத்தான் நபி இந்த வாக்குறுதியில் எதிர்பார்க்கிறார்கள்.