மனிதர்களின் உணர்ச்சிகளை நாய்கள் எவ்வாறு புரிந்துகொள்கின்றன?

மனிதர்களின் கோபம், அழுகை மற்றும் பயம் போன்ற உணர்ச்சிகளை நாய்கள் எளிதில் புரிந்துகொள்கின்றன என்று ஆராய்ச்சியாளர்கள் கூறுகிறார்கள்.

மனிதர்களின் வெவ்வேறு எதிர்மறை முகபாவனைகளை நாய்கள் எப்படிப் பிரித்து அறிகின்றன என்பதை ஒரு புதிய ஆய்வு விளக்கியுள்ளது. நாய்களின் மூளையை எம்.ஆர்.ஐ. ஸ்கேன் (MRI scan) செய்து இந்த ஆய்வு நடத்தப்பட்டது.

மனிதர்களின் பயம், கோபம் மற்றும் சோகம் ஆகியவற்றைப் பார்க்கும்போது நாய்களின் மூளையில் வெவ்வேறு பகுதிகள் தூண்டப்படுவது இந்த ஆய்வில் கண்டறியப்பட்டது.

குறிப்பாக, கோபம் மற்றும் சோகத்தைவிட மனிதர்களின் பய உணர்வை நாய்கள் மிக விரைவாகக் கண்டறிகின்றன. பயமும் கோபமும் தங்களுக்கு ஆபத்தை ஏற்படுத்தக்கூடும் என்பதால், நாய்கள் அவற்றுக்கு உடனடியாக எதிர்வினையாற்றுகின்றன.

அதேநேரம், சோகம் உடனடியாக எந்த ஆபத்தையும் தராது என்பதால் நாய்கள் அதைப் பெரிதாக எடுத்துக்கொள்வதில்லை. வெறும் நல்ல உணர்வு, கெட்ட உணர்வு என்று பிரித்துப் பார்க்காமல், மனிதர்களின் வெவ்வேறு உணர்ச்சிகளை நாய்களின் மூளை மிகத் துல்லியமாகப் பகுத்தாய்கிறது என்பதை இந்த ஆய்வு நிரூபித்துள்ளது.

மனிதர்களின் உணர்ச்சிகளை நாய்கள் புரிந்துகொள்ளும் இந்தத் திறன், இறைவன் அவற்றைப் படைத்த விதத்தின் ஒரு பகுதியாகும். இந்த நுட்பமான புரிதல், நாய்களுக்கும் மனிதர்களுக்கும் இடையே உள்ள பிணைப்பை மேலும் வலுப்படுத்துகிறது. இறைவனின் படைப்பில் உள்ள ஆழமான ஞானத்தையும் ஒழுங்கையும் இது காட்டுகிறது.

ஆதாரம்: புதிய தலைமுறை