பனூ ஜதீமாவின் கைதிகள் கொல்லப்பட்டது — காலித் (ரலி) செயலை மறுத்த நபி (ஸல்)

“இறைவா! காலித் செய்ததற்கும் எனக்கும் தொடர்பில்லை”

இப்னு உமர்(ரலி) அறிவித்தார். நபி(ஸல்) அவர்கள், காலித் இப்னு வலீத்(ரலி) அவர்களை பனூ ஜதீமா குலத்தாரிடம் அனுப்பினார்கள். அவர்களுக்கு அவர் இஸ்லாத்தை ஏற்கும்படி அழைப்புக் கொடுத்தார். அவர்களுக்கு ‘அஸ்லம்னா – நாங்கள் இஸ்லாத்தை ஏற்றோம்’ என்று திருத்தமாகச் சொல்ல வரவில்லை. எனவே, அவர்கள் (தங்களின் வழக்குப்படி) ‘ஸபஃனா, ஸபஃனா’ – நாங்கள் மதம் மாறி விட்டோம். மதம் மாறிவிட்டோம்’ என்று சொல்லானார்கள். உடனே காலித்(ரலி), அவர்களில் சிலரைக் கொல்லவும் சிலரைச் சிறை பிடிக்கவும் தொடங்கினார்.

அவர் (தம்முடன் வந்திருந்த) எங்களில் ஒவ்வொருவரிடமும் அவரவருடைய கைதியை ஒப்படைத்தார். ஒரு நாள் காலித், எங்களில் ஒவ்வொருவரும் தம்மிடமிருக்கும் கைதியைக் கொல்ல வேண்டுமென உத்தரவிட்டார். நான், ‘அல்லாஹ்வின் மீதாணையாக! என்னிடமுள்ள கைதியை கொல்ல மாட்டேன். மேலும், என் சகாக்களில் ஒருவரும் தம்மிடமிருக்கும் கைதியைக் கொல்ல வேண்டுமென உத்தரவிட்டார். நான், ‘அல்லாஹ்வின் மீதாணையாக! என்னிடமுள்ள கைதியை கொல்ல மாட்டேன்; மேலும், என் சகாக்களில் ஒருவரும் தம்மிடமிருக்கும் கைதியைக் கொல்லமாட்டார்’ என்று சொன்னேன்.

இறுதியில், நாங்கள் நபி(ஸல்) அவர்களிடம் சென்று, விஷயத்தைச் சொன்னோம். அப்போது நபி(ஸல்) அவர்கள் தம் கரங்களை உயர்த்தி, ‘இறைவா! ‘காலித் செய்த தவறுகளுக்கும் எனக்கும் தொடர்பில்லை’ என்று உன்னிடம் தெரிவித்துக் கொள்கிறேன்’ என்று இருமுறை கூறினார்கள்.

அறிவிப்பவர்: இப்னு உமர் (ரலி)

நூல் – (புகாரி: 4339) ➚

இஸ்லாத்தை ஏற்றேன் என்று சொல்லத் தெரியாமல், தங்கள் மொழியில் மட்டும் பேசிய பனூ ஜதீமா குலத்தார் உயிரிழந்தார்கள். வார்த்தை புரியவில்லை என்பதற்காக ஒருவரின் நம்பிக்கையையே மறுத்துவிடக் கூடாது என்பதை இந்தச் சம்பவம் காட்டுகிறது.

கட்டளையிட்டவர் படைத் தளபதியாக இருந்தும், நியாயமற்றது என்று தோன்றியதும் அதை மறுக்கத் தயங்காதவர்கள் இருந்தார்கள். நபி (ஸல்) அவர்களும் அதை மறைக்கவில்லை; பகிரங்கமாகவே தம் கை உயர்த்தி விலகி நின்றார்கள். பதவி எவ்வளவு உயர்ந்ததானாலும் தவறு தவறுதான் என்பதை இது நினைவூட்டுகிறது.