096. சூரியன் உதயம், அஸ்தமன நேரத்தில் தொழலாமா?

கேள்வி-பதில்: ஹஜ் உம்ரா

சூரியன் உதயம், அஸ்தமன நேரத்தில் தொழலாமா?

கஅபாவில் மட்டும் இந்த நேரங்களில் தொழலாம்.

சூரியன் உதிக்கும் நேரம், மறையும் நேரங்களில் தொழுவதற்குத் தடை உள்ளதை நாம் அறிவோம். ஆனால் கஃபாவில் தொழுவதற்குத் தடை செய்யப்பட்ட நேரம் ஏதும் கிடையாது. எந்த நேரமும் தொழலாம். எந்த நேரமும் தவாஃப் செய்யலாம்.

”அப்து முனாஃபின் சந்ததிகளே! இந்த ஆலயத்தில் இரவு பகல் எந்நேரமும் தவாஃப் செய்பவரையும், தொழுபவரையும் நீங்கள் தடுக்காதீர்கள்” என்று நபிகள் நாயகம் (ஸல்) அவர்கள் கூறினார்கள்.

அறிவிப்பவர்: ஜுபைர் பின் முத்இம் (ரலி)

நூல்கள்: (திர்மிதீ: 868) (795),(அபூதாவூத்: 1618), நஸயீ-2875