பொருள்: எங்கள் இறைவா! என்னையும், எனது பெற்றோரையும், நம்பிக்கை கொண்டோரையும் விசாரணை நடைபெறும் நாளில் மன்னிப்பாயாக! (அல்குர்ஆன்: 14:41)➚

(நபி இப்ராஹீம் (அலை) அவர்கள் தம் குடும்பத்தினரை விவசாயத்திற்குத் தகுதியில்லாத பள்ளத்தாக்கில் விட்ட பின்னர் கேட்ட பிரார்த்தனைகளில் இதுவும் ஒன்று. இவ்வசனத்தில் இப்ராஹீம் நபி அவர்கள் தமது தந்தைக்காகப் பாவ மன்னிப்புக் கோரியதை இறைவன் கூறுகிறான். இதை முன் மாதிரியாகக் கொண்டு இணை கற்பித்தவர்களுக்கும், இறைவனை அடியோடு நிராகரிப்பவர்களுக்கும் பாவமன்னிப்புக் கோரலாம் என்று கருதக் கூடாது. ஏனெனில் (60:4➚) வசனத்தில் ‘‘இப்ராஹீம் தமது தந்தைக்காகப் பாவமன்னிப்புத் தேடிய விஷயத்தைத் தவிர மற்ற விஷயங்களில் தான் அவரிடம் முன் மாதிரி இருக்கிறது’’ எனக் கூறப்படுகிறது.

(9:114➚) வசனத்தில் ‘‘தமது தந்தை இறைவனின் எதிரி என்பதை அறிவதற்கு முன்னால் அவருக்காக இப்ராஹீம் பாவ மன்னிப்புத் தேடினார்; தமது தந்தை இறைவனின் எதிரி என்பது தெரிந்த பின் அதிலிருந்து விலகிக் கொண்டார்’’ எனக் கூறப்படுகிறது.)