04) நபி (ஸல்) அவர்களுக்குள்ள சிறப்பு

நூல்கள்: நபி (ஸல்) வரலாறு (பிறப்பு முதல் இறப்பு வரை)

அபூஹுரைரா (ரலி) அவர்கள் அறிவிக்கிறார்கள். அல்லாஹ்வின் தூதர் (ஸல்) அவர்கள் கூறினார்கள்:
மறுமை நாளில் ஆதமின் மக்கள் (மனிதர்கள்) அனைவருக்கும் தலைவன் நானே. முதன் முதலில் மண்ணறை பிளந்து (உயிர்த்து) எழுபவனும் நானே. முதன்முதலில் பரிந்துரை செய்பவனும் நானே. முதன்முதலில் பரிந்துரை ஏற்கப்படுபவனும் நானே. (முஸ்லிம்: 4575)

அல்லாஹ்வின் தூதர் (ஸல்) அவர்கள் கூறினார்கள்: அல்லாஹ், இஸ்மாயீல் (அலை) அவர்களின் வழித்தோன்றல்களில் “கினானா’வைத் தேர்ந்தெடுத்தான்; “கினானா’வின் வழித்தோன்றல்களில் குறைஷியைரத் தேர்ந்தெடுத்தான்; குறைஷியலிருந்து பனூ ஹாஷிம் குலத்தாரைத்
தேர்ந்தெடுத்தான். பனூ ஹாஷிம் குலத்தாலிருந்து என்னைத் தேர்ந்தெடுத்தான். (முஸ்லிம்: 4573)

நபிகள் நாயகம் (ஸல்) அவர்கள் பனூ ஹாஷிம் குலத்தாரைச் சார்ந்தவர்கள். அதாவது நபிகள் நாயகம் (ஸல்) அவர்களின் தந்தை அப்துல்லாஹ், அவர்களின் தந்தை அப்துல் முத்தலிப், அவர்களின் தந்தையே ஹாஷிம் ஆவார்.

நபிகள் நாயகம் அவர்களின் பிறப்பிலிருந்து அவர்கள் நபியாக தேர்வு செய்யப்படுவதற்கு முன்பு வைரயிலுள்ள வாழ்க்கையில் சில முக்கிய நிகழ்வுகள் உள்ளன. அவற்றையும் அறிந்து கொள்வோம்.