வெற்றியாளர்கள் யார் – 7

பயான் குறிப்புகள்: தொடர் உரைகள்

வெற்றியாளர்களின் இன்னும் பல பண்புகளை இந்த வார உரையில் காண்போம்.

இறைவனை நினைப்பவர்கள் வெற்றியாளர்கள் என்று இறைவன் கூறுவதை பார்த்து வருகிறோம்..

 

”தொழுகை முடிக்கப்பட்டதும் பூமியில் அலைந்து அல்லாஹ்வின் அருளைத் தேடுங்கள்! அல்லாஹ்வை அதிகம் நினையுங்கள்! நீங்கள் வெற்றி பெறுவீர்கள்.”

(அல்குர்ஆன்:) ➚

 

நம்பிக்கை கொண்டோரே! (களத்தில்) ஓர் அணியைச் சந்தித்தால் உறுதியாக நில்லுங்கள்! அல்லாஹ்வை அதிகம் நினையுங்கள்! நீங்கள் வெற்றியடைவீர்கள்.

(அல்குர்ஆன்:) ➚

ஷைத்தானின் நோக்கமும் இறைவனின் விருப்பமும்

மனிதர்கள் இறைவனை வணங்காமல் அவனை நினைக்காமல் வழிதவறி நரகிற்கு செல்ல வேண்டும் என்பதே ஷைத்தானின் நோக்கமாகும் .

நம்பிக்கை கொண்டோரே! மது, சூதாட்டம், பலிபீடங்கள், (குறி கேட்பதற்கான) அம்புகள் ஆகியவை அருவருப்பானதும், ஷைத்தானின் நடவடிக்கையுமாகும். எனவே இதிலிருந்து விலகிக் கொள்ளுங்கள்! வெற்றி பெறுவீர்கள்! மது, மற்றும் சூதாட்டம் மூலம் உங்களுக்கிடையே பகைமையையும், வெறுப்பையும் ஏற்படுத்தவும், அல்லாஹ்வின் நினைவை விட்டும், தொழுகையை விட்டும் உங்களைத் தடுக்கவுமே ஷைத்தான் விரும்புகிறான். எனவே விலகிக் கொள்ள மாட்டீர்களா?

(அல்குர்ஆன்:) ➚, 91)

 

மனிதர்களே! அல்லாஹ்வின் வாக்குறுதி உண்மையானது. இவ்வுலக வாழ்வு உங்களை ஏமாற்றி விட வேண்டாம்.

 

ஏமாற்றுபவன் (ஷைத்தான்) அல்லாஹ் விஷயத்தில் உங்களை ஏமாற்றி விட வேண்டாம். ஷைத்தான் உங்களுக்கு எதிரியாவான். அவனை எதிரியாகவே ஆக்கிக் கொள்ளுங்கள்! நரகவாசிகளாக ஆவதற்காகவே அவன் தனது கூட்டத்தாரை அழைக்கிறான்.

(அல்குர்ஆன்:) ➚,6)

 

“என்னை விட நீ சிறப்பித்த இவரைப் பற்றிக் கூறுவாயாக! கியாமத் நாள் வரை எனக்கு நீ அவகாசம் அளித்தால் சிலரைத் தவிர இவரது சந்ததிகளை வேரறுப்பேன்” எனவும் கூறினான். “நீ போ! அவர்களில் யாரேனும் உன்னைப் பின்பற்றினால் உங்களுக்கு நரகமே கூ-லி. (அது) நிறைவான கூலி” என்று (இறைவன்) கூறினான். உனது குரல் மூலம் அவர்களில் உனக்கு முடிந்தோரை வழி கெடுத்துக் கொள்! உனது குதிரைப் படையையும், காலாட் படையையும் அவர்களுக்கு எதிராக ஏவிக் கொள்! பொருட் செல்வத்திலும், மக்கட் செல்வத்திலும் அவர்களுடன் நீ கூட்டாளியாகிக் கொள்! அவர்களுக்கு வாக்குறுதியும் அளித்துக் கொள்! (என்றும் இறைவன் கூறினான்.) ஏமாற்றத்தைத் தவிர வேறெதனையும் ஷைத்தான் அவர்களுக்கு வாக்களிப்பதில்லை.

 

“எனது (நல்ல) அடியார்கள் மீது உனக்கு எந்த அதிகாரமும் இல்லை” (என்றும் இறைவன் கூறினான்.) உமது இறைவன் பொறுப்பேற்கப் போதுமானவன்.

(அல்குர்ஆன்: 62:65) ➚

இறைவனை வணங்குவதை தடுக்கும் விதமாக தொழுவதற்கு முன் தொழவேண்டாம் என்று ஷைத்தான் ஊசலாட்டத்தை ஏற்படுத்துகின்றான் .இவ்ஊசலாட்டத்திற்கு பிறகு ஒருவன் தொழுகையில் நிற்கும் போதும் அங்கும் இறைவனை வணங்குவதை தடுக்கும் விதமாக தேவையற்ற பல சிந்தனைபோக்குகளை ஏற்படுத்துகின்றான் . இதனாலேயே ஒருவர் தவறாக தொழ வேண்டிய நிலை ஏற்படுகின்றது .

அல்லாஹ்வின் தூதர் (ஸல்) அவர்கள் கூறினார்கள்: உங்களில் ஒருவருக்குத் தாம் மூன்று ரக்அத்கள் தொழுதோமா அல்லது நான்கு ரக்அத்கள் தொழுதோமா என்று தொழுகையில் சந்தேகம் ஏற்பட்டால் சந்தேகத்தைக் கைவிட்டு, உறுதியான (மூன்று ரக்அத்கள் என்ப)தன் அடிப்படையில் (மீதியுள்ள ஒரு ரக்அத்தைத்) தொழுதுவிட்டு சலாம் கொடுப்பதற்கு முன் இரு சஜ்தாக்கள் செய்துகொள்ளட்டும். அவர் (உண்மையில்) ஐந்து ரக்அத்கள் தொழுது விட்டிருந்தால் (மறதிக்காகச் செய்த அவ்விரு சஜ்தாக்களால்) அவரது தொழுகையை அந்த (ஐந்து) ரக்அத்கள் இரட்டைப்படை ஆக்கிவிடும். அவர் நான்கு ரக்அத்கள் பூர்த்தி செய்துவிட்டிருந்தால் அவ்விரு சஜ்தாக்களும் (தொழுகையில் குழப்பம் ஏற்படுத்திய) ஷைத்தானை முறியடித்ததாக அமையும்.

(முஸ்லிம்: 990)

இவ்வகையில் ஷைத்தான் நமக்கு அதிக இடையூறுகளை ஏற்படுத்துவதினால் தான் வணக்க வழிபாடுகளை நிறைவேற்றுவதற்கு ஆர்வமூட்டும் விதமாக தொழுகையை எதிர்பார்த்திருப்பதற்கும் தொழுமிடத்தில் அமர்ந்திருப்பதற்கும் நன்மையை அல்லாஹ் ஏற்படுத்தி கொடுத்திருக்கின்றான் .

நபி (ஸல்) அவர்கள் கூறினார்கள்: ஒருவர் தமது வீட்டில் தொழுவதைவிடவும், தமது கடைத் தெருவில் தொழுவதை விடவும் “ஜமாஅத்துடன் (கூட்டுத் தொழுகை) தொழுவது, மதிப்பில் இருபத்தி ஐந்து (மடங்குகள் தொழுகைகள்) கூடுதலாகும். ஏனெனில், உங்கüல் ஒருவர் அங்கசுத்தி (உளூ) செய்து, அதை செம்மையாகச் செய்து, தொழுகின்ற ஒரே நோக்கத்துடன் பள்üவாசலுக்கு வந்தால் அவர் பள்üவாசலுக்குள் வரும் வரை எடுத்துவைக்கும் ஒவ்வோர் எட்டுக்கும் ஓர் அந்தஸ்த்தை அவருக்கு அல்லாஹ் உயர்த்துகின்றான்; ஒரு பாவத்தை அவரை விட்டு நீக்குகின்றான்.

(கூட்டுத்) தொழுகையை எதிர்ப்பார்த்து அவர் பள்ளிவாசலில் இருக்கும்போது அவர் தொழுது கொண்டிருப்பவராகவே கருதப்படுகிறார். மேலும் அவர் (வெளியேறிவிடாமல்) எந்த இடத்தில தொழுகின்றாரோ அந்த இடத்திலேயே இருக்கும் வரை அவருக்காக வானவர்கள் பிராத்தனை செய்கிறார்கள். ஆனால், (அங்கசுத்தியை அகற்றிவிடக் கூடிய) சிறுதுடக்கு (காற்றுப்பிரிதல் மூலம்) அவர் பள்üக்குள் உபத்திரவம் செய்யாமல் இருக்க வேண்டும்.. அப்போது வானவர்கள், “இறைவா! இவருக்கு கருணை புரிவாயாக! என்று பிரார்த்திக்கின்றார்கள்.

(புகாரி: 477)

தன்னை மட்டுமே மக்கள் வணங்கவேண்டும் என்பதே இறைவனின் விருப்பமாகும் . அதற்காகத்தான் அல்லாஹ் மனிதனையே படைத்தான்.

 

ஜின்னையும், மனிதனையும் என்னை வணங்குவதற்காகவே தவிர (வேறு எதற்காகவும்) நான் படைக்கவில்லை.

(அல்குர்ஆன்:) ➚

 

நான் தான் அல்லாஹ். என்னைத் தவிர வணக்கத்திற்குரியவன் வேறு யாருமில்லை. எனவே என்னை வணங்குவீராக! என்னை நினைப்பதற்காக தொழுகையை நிலை நாட்டுவீராக!

(அல்குர்ஆன்: 20:14) ➚

 

மனிதர்களே! உங்களையும், உங்களுக்கு முன் சென்றோரையும் படைத்த உங்கள் இறைவனையே வணங்குங்கள்! இதனால் (தண்டனையி-லிருந்து) தப்பித்துக் கொள்வீர்கள்.

(அல்குர்ஆன்: 2:21) ➚

இறைவனை நினைவுகூறாதவர்கள் நயவஞ்சகர்களே !

பொய், வாக்குமீறுதல், நம்பிக்கை துரோகம் செய்தல் போன்ற காரியங்கள் மட்டும் நயவஞ்சகத்தனம் என்றில்லாமல் இறைவன் கொடுத்த அருட் கொடைகளுக்கு நன்றி செலுத்தாமல் அவனை நினைக்காமல் வாழ்வதும் நயவஞ்சகத்தனமாகும் .

 

நயவஞ்சகர்கள் அல்லாஹ்வை ஏமாற்ற நினைக்கின்றனர். அவனோ அவர்களை ஏமாற்றவுள்ளான். அவர்கள் தொழுகையில் நிற்கும் போது சோம்பேறிகளாகவும், மக்களுக்குக் காட்டுவோராகவும் நிற்கின்றனர். குறைவாகவே அல்லாஹ்வை நினைக்கின்றனர்.

(அல்குர்ஆன்: 4:142) ➚

 

நம்பிக்கை கொண்டவர்கள் இறைவனை வணங்குவதற்கு காட்டும் ஆர்வத்தை பின்வரும் வசனத்தில் அல்லாஹ் கூறுகின்றான். அச்சத்துடனும், எதிர்பார்ப்புடனும் தமது இறைவனைப் பிரார்த்திக்க அவர்களின் விலாப்புறங்கள் படுக்கைகளி-லிருந்து விலகும். நாம் வழங்கியவற்றிலிருந்து (நல் வழியில்) செலவிடுவார்கள்.

(அல்குர்ஆன்: 32:16) ➚

இறைவனை நினைவுகூறும் விதம்

இறைவனை நினைக்க வேண்டுமென்றால் அதற்கென்று தனி இடத்தை அமைத்து தஸ்பீஹ் மணிகளை வைத்து அடக்கமாக அமர்ந்து தான் நினைக்க வேண்டும் என்று இல்லை . சாதரணமாக நாம் எந்நிலையில் இருக்கிறோமோ அவ்வாறே நினைக்கலாம்.

நின்றுகொண்டோ படுத்துக்கொண்டோ இறைவனை திக்ர் செய்வது தவறு என்றும் அவர்கள் வணக்க வழிபாடுகளில் அகங்காரத்தை காட்டுகின்றார்கள் பணிவை காட்டவில்லை என்றும் இறைவனுக்கு மதிப்பளிக்கவில்லை என்றும் மக்கள் நினைக்கின்றனர். இது தவறாகும் .

 

நீங்கள் தொழுகையை முடித்ததும் நின்றும், அமர்ந்தும், படுத்த நிலையிலும் அல்லாஹ்வை நினையுங்கள்! நீங்கள் அச்ச மற்ற நிலையை அடைந்தால் தொழுகையை (முழுமையாக) நிலை நாட்டுங்கள்! நம்பிக்கை கொண்டோர் மீது தொழுகை நேரம் குறிக்கப்பட்ட கடமையாகவுள்ளது.

(அல்குர்ஆன்:) ➚

தனிமையிலும் இறைநினைவு

ஒரு மனிதன் ஒரு கூட்டத்துடன் இருக்கும் போது கெட்ட எண்ணங்களோ தவறு செய்யும் எண்ணப்போக்கோ தவறான முடிவுகளோ எடுக்கமாட்டான். ஆனால் அவன் தனிமையில் இருக்கும் போதோ அவனுக்கு வாழ்க்கையில் ஏற்பட்ட துன்பங்களையும் இழப்புகளையும் நினைத்துப் பார்க்கிறான். இந்த சிந்தனை போக்குகளின் தாக்கம், தாழ்வுமனப்பான்மை, மனநிலை பாதிப்பு, தற்கொலை, குடும்பங்களை பிரிப்பது, பிறரை பாதிப்புக்குள்ளாக்க வேண்டும் என்பனபோன்ற கெட்ட எண்ணங்களுக்கு தூண்டுகோலாக அமைகின்றது. இந்த மனிதர்களின் உளவியல் (மன) நிலையை உணர்ந்த இஸ்லாம் தனிமையில் இருக்கும் போது அவன் இறைவனை நினைக்கவேண்டும் என்று கூறுகின்றது. இதனால் மனம் அமைதி பெறும் என்று அல்லாஹ் கூறுகின்றான்.

நம்பிக்கை கொண்டோரின் உள்ளங்கள் அல்லாஹ்வின் நினைவால் அமைதியுறுகின்றன. கவனத்தில் கொள்க! அல்லாஹ்வின் நினைவால் தான் உள்ளங்கள் அமைதியுறுகின்றன.

(அல்குர்ஆன்: 13:28) ➚

 

அர்ஷின் நிழல்

நபி (ஸல்) அவர்கள் கூறினார்கள்:. அல்லாஹ் தனது (அரியணையின்) நிழலைத் தவிர வேறு நிழலே இல்லாத (மறுமை) நாளில் ஏழு பேருக்கு நிழல் (-அடைக்கலம்) அளிப்பான்:

1. நீதி மிக்க ஆட்சியாளர்.

2. இறை வணக்கத்திலேயே வளர்ந்த இளைஞன்.

3. பள்üவாசல்களுடன் (எப்போதும்) தொடர்பு வைத்துக்கொள்ளும் இதயமுடையவர்.

4. அல்லாஹ்வுக்காகவே நட்புக்கொண்டு அந்த நிலையிலேயே (இவ்வுலகி-ருந்து) பிரிந்து சென்ற இருவர்.

5. அந்தஸ்தும் அழகும் உள்ள ஒரு பெண் தம்மை தவறு செய்ய அழைத்தபோதும் “நான் அல்லாஹ்வுக்கு அஞ்சுகிறேன்” என்று கூறியவர்.

6. தமது வலக் கரம் செய்த தர்மத்தை இடக் கரம்கூட அறியாத வகையில் இரகசியமாக தர்மம் செய்தவர்.

7. தனிமையில் அல்லாஹ்வை நினைவு கூர்ந்து (அவனது அச்சத்தால்) கண்ணீர் வடித்தவர்.

அறிவிப்பவர் : அபூஹுரைரா (ரலி),(புகாரி: 660)

 

இன்னும் ஏராளமான பண்புகளை வெற்றியாளர்களின் பண்புகளாக இஸ்லாத்தை சொல்லித் தருகிறது. வெற்றியாளர்களின் மற்ற பண்புகளை அடுத்தடுத்த உரைகளில் காண்போம், இன்ஷா அல்லாஹ்!