அபூபக்ரையும் உமரையும் பின்பற்றுங்கள் என்ற ஹதீஸ் நிலை?

அபூபக்ரையும் உமரையும் பின்பற்றுங்கள் என்ற ஹதீஸ் நிலை?

எனக்குப் பின் அபூ பக்ரையும் உமரையும் பின்பற்றுங்கள் என்று நபிகள் நாயகம் (ஸல்) கூறியுள்ளார்களா?

பதில்

நபிகள் நாயகம் (ஸல்) அவர்கள் இவ்வாறு கூறியதாக சில ஹதீஸ்கள் உள்ளன. அவை அனைத்துமே பலவீனமாக உள்ளன.

ஹுதைபா (ரலி) அறிவிக்கும் ஹதீஸ்

முஸ்னத் அஹ்மத், திர்மிதீ, பைஹகீ, ஹாகிம் ஆகிய நூல்களில் இந்த ஹதீஸ் இடம் பெற்றுள்ளது.

இதை ரிப்யீ பின் கிராஷ் என்பார் வழியாக அப்துல் மலிக் பின் உமைர் அறிவிப்பதாக இந்த நூல்களில் கூறப்பட்டுள்ளது. ஆனால் ரிப்யீ பின் கிராஷ் அவர்களை அப்துல் மலிக் சந்தித்தவரல்ல. எனவே இடையில் யாரோ விடுபட்டுள்ளார். எனவே இது பலவீனமான ஹதீஸாகும்.

அந்த ஹதீஸ்கள் இவை தான்

ஹாகிமில் இடம்பெறும் இந்த ஹதீஸ் சரியானது என்று தஹபீ கூறியுள்ளார். அவரது கூற்று தவறாகும். இதன் அறிவிப்பாளர்கள் நம்பகமானவர்கள் என்பதால் அவர் அவ்வாறு கூறியுள்ளார். இடையில் அறிவிப்பாளர் விடுபட்டதை அவர் கவனிக்கவில்லை.

இப்னு மஸ்வூது அறிவிக்கும் ஹதீஸ்

இந்த ஹதீஸ் திர்மிதீ, தப்ரானி, ஹாகிம் ஆகிய நூல்களில் பதிவு செய்யப்பட்டுள்ளது. இம்மூன்றிலும் யஹ்யா பின் ஸலமா பின் குஹைல் என்பார் வழியாகவே அறிவிக்கப்பட்டுள்ளது. இவர் பலவீனமானவர் ஆவார். இந்த ஹதீஸின் கீழே திர்மிதி இதைக் குறிப்பிட்டுள்ளார்.

எனவே இந்த அறிவிப்பும் பலவீனமானதாகும்.

المعجم الكبير للطبراني

ஹுதைபாவின் மற்றொரு ஹதீஸ்

இதே ஹதீஸ் பைஹகீ, ஹாகிம் ஆகிய நூல்களில் பதிவு செய்யப்படுள்ளது.

ரிப்யீ பின் கிராஷ் எனும் அறிவிப்பாளர் வழியாக அவரது அடிமை ஹிலால் அறிவிப்பதாக இதில் கூறப்பட்டுள்ளது.

இந்த ஹிலாலின் நம்பகத்தன்மை, நினைவாற்றல் உள்ளிட்ட தகுதிகள் குறித்து யாரும் நற்சான்று அளிக்கவில்லை. எனவே இவர் அறியப்படாத அறிவிப்பாளர் என்பதால் இதுவும் பலவீனமான ஹதீஸ் ஆகும்

எனவே அபூபக்ர் உமரைப் பின்பற்றுங்கள் என்ற கருத்தில் உள்ள ஹதீஸ்கள் பலவீனமானவையாகும்.

மேலும் வஹீயை மட்டுமே பின்பற்ற வேண்டும் என்ற இஸ்லாத்தின் அடிப்படைக்கு இது மாற்றமான கருத்தாக உள்ளதால் இது இட்டுக்கட்டப்பட்ட தரத்திற்கு இறங்கி விடும்.